.png)
Shokët e tij të rinj, ata të burgut të Asuncion në Paraguai, zihen mes tyre për ta pasur në skuadër. Një zënkë e pranueshme në fakt, sepse nuk të ndodh çdo ditë të kesh shok skuadre brazilianin e famshëm Ronaldinjo, ish-futbollistin e arrestuar ditët e fundit pasi hyri në Paraguai me pasaportë false. Ronaldinjo është ende pas hekurave, sepse seanca me avokatët e tij është shtyrë.
Ish-lojtari i Barcelonës dhe Milanit u arrestua bashkë me vëllanë dhe gjykatësja Klara Ruiz Diaz vendosi për ta masën e arrestit me burg, që mund të zgjasë deri në 6 muaj. Në turneun “Quadrilatero”, sektori i burgut ku është edhe Ronaldinjo, mund të marrin pjesë të burgosur dhe policë mbi moshën 35 vjeç. Rregulli i vetëm është se braziliani nuk duhet të shënojë në këtë turne kalçetoje, sepse në të kundërt do të ishte shumë e thjeshtë për skuadrën e tij.
Trofeu në lojë? Një derrkuc i vogël i pjekur prej 16 kilogramësh. Dhe Ronaldinjo menjëherë bën diferencën, debuton me një fitore 11-2, siç bën me dije “ABC”. Në kohët e arta ish-yllin e Brazilit e markonin mbrojtës si Serxhio Ramos apo Metzelder, ndërsa këtë herë ia takoi ish-deputetit Miguel Kuevas, i dënuar me burg pak kohë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje