.png)
Gjykata Kushtetuese shfuqizoi pak kohë më parë VKM-në që i kaloi në pronësi Bashkisë së Tiranës truallin prej 5.5 mijë metrash/katrorë, duke ja rikthyer pronësinë e këtij trualli Qeverisë, më saktësisht Ministrisë së Kulturës.
Për pasojë, Bashkia e Tiranës nuk mund të zbatonte më projektin e godinës së re të teatrit kombëtar, por jo domosdoshmërisht, nuk ndalohej që i njëjti projekt të zbatohej nga një organ tjetër, që në këtë rast mund të ishte Qeveria. Më vendimin e fundit, Këshilli i Ministrave ia kaloi për kompetencë Bashkisë.
Për këtë vendim foli edhe Kryetari i Bashkisë së Tiranës Erion Veliaj në një lidhje ‘live’ nga Tokio, ku ndodhet për Lojërat Olimpike.
Veliaj tha se kalon në pronësi vetëm trualli dhe jo ndërtesa, e cila nuk ekziston më dhe se ky vendim nuk bie ndesh me atë të Gjykatës Kushtetuese.
“Është vetëm trualli jo me një ndërtesë që nuk ekziston. Është korrigjuar me vendimin e Gjykatës Kushtetuese, na mundëson të vazhdojmë me procedurat për ndërtimin e Teatrit. Nuk bien ndesh me njëra-tjetrën.
Meqë jemi në Tokio ajo që kam kuptuar është që kombet ecin përpara kur nuk bllokohen projektet”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje