.png)
Gazeta Si – Efektet e luftës ruse në Ukrainë. Kampioni i dyfishtë olimpik në not, Jevgeni Rulov, është skualifikuar 9 muaj nga të gjitha kompeticionet dhe aktivitetet nga federata ndërkombëtare. Pezullimi i tij vjen për faktin se ka marrë pjesë më 18 mars në një event në stadiumin “Luzhniki” të Moskës, të organizuar nga presidenti Vladimir Putin.
Notari ka parakaluar në atë rast, duke mbajtur në xhaketë shkronjën “Z”, simbol të luftës. Rulov është një agjent policie. Rusia dhe Bjellorusia janë përjashtuar nga Botërori i 2022-shit, kurse federata ruse u privua nga organizimi i Botërorit në vaskë në dhjetor, i parashikuar për t’u zhvilluar në Kazan.
Reagimi i qeverisë ruse nuk ka vonuar, Moska e ka kritikuar ashpër vendimin, duke e cilësuar politizim të sportit, që dëmton kompeticionet ndërkombëtare. “Mendojmë se vendimi është kundër vlerave të sportit. Në fund të fundit, dëmton federatat ndërkombëtare dhe komepticionet ndërkombëtare, nëse sportistët më të fortë nuk mund të garojnë”, – ka thënë zëdhënësi i Kremlinit, Dmitri Peskov.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje