.png)
Policia e Shkodrës ka arrestuar një 52-vjeçar në Shkodër, pasi dyshohet se ka kanosur me armë zjarri punonjësit e policisë.
Policia thotë se ngjarja ka ndodhur në lagjen “Tre heronjtë” në Shkodër dhe se ka vënë në pranga shtetasin S. B., 52 vjeç, banues në lagjen “Tre Heronjtë”, Shkodër.
Sipas policisë, në momentin që punonjësit e Policisë janë afruar te banesa, i zoti i banesës i cili ishte duke u konfliktuar me bashkëshorten, ka marrë një armë gjahu dhe i ka kanosur ata për të mos u afruar në banesë, pasi do qëllonte në drejtim të tyre.
Ndërkohë, grupi hetimor ka sekuestruar në cilësinë e provës materiale dy armë gjahu model “Browning” dhe 170 fishekë me kalibër 12mm, të cilat i mbante me leje.
Materialet hetimore u referuan në Prokurorinë pranë Gjykatës së Shkallës së Parë Shkodër, për veprat penale “Kundërshtimi i punonjësit të policisë së rendit publik” dhe “Kanosja për shkak të detyrës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje