.png)
Gazeta Si – Partitë e koalicionit “Bashkë Fitojmë” kanë bërë një lëvizje të papritur, si një kundërpërgjigje e PD-së së Alibeajt për të vendosur emrin e Ilir Metës në fletën e votimit si kreu i koalicionit.
Kjo parti kishte bërë ankesë në KAS kundër vendimit të kryekomisionerit Celibashi, i cili kishte vendosur që të mos vendosej emri i kryetarit apo liderit të koalicionit. KQZ ka regjistruar si kryetar të koalicionit Ilir Metën, por nuk rezulton në fletën e votimit.
Kërkesa u diskutua në KAS, ku Partia e Lirisë, kërkoi pranimin e pjesshëm të ankimit të PD-së, me propozimin që të vendoset emri i Sali Berishës si lider i koalicionit në fletën e votimit. Përfqësuesi PD-së, Sefa e kundërshtoi një propozim të tillë, duke kërkuar që të caktohet emri i Ilir Metës, kryetarit të Partisë së Lirisë, pasi Berisha nuk figuron i regjistruar në KQZ si kryetar i ndonjë subjekti zgjedhor në koalicion “Bashkë Fitojmë”.
Pas dëgjimit të pretendimit të palëve, KAS vendosi që pranojë pjesërisht kërkesën e PD-së, duke kërkuar që të vendosen emrat krerëve të koalicionit, ndërsa kundërshtoi që të vendoset edhe inicialet e koalicionit.
Ndërkohë që KAS rrëzoi kërkesën e Partisë së Lirisë që të vendoset emri i Sali Berishës si kryetari i koalicionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje