.png)
Komisioni i Ankesave dhe Sanksioneve rrëzoi pretendimet e Partisë për Drejtësi, Integrim dhe Unitet, që apeloi vendimin e Komisionerit Zgjedhor, Ilirjan Celibashi në lidhje me numëruesin e katërt në grupet e numërimit.
PDIU kërkoi që të kishte numëruesin e katërt në këtë proces, që nga Celibashi iu dha Lëvizjes Socialiste për Integrim. Celibashi argumentoi se duke qenë se nuk merrte pjesë vetë në zgjedhje, por si pjesë e koalicionit me PD, PDIU-së nuk i takonte numëruesi i katërt dhe ja kaloi këtë Lëvizjes Socialiste për Integrim.
KAS e la në fuqi këtë vendim, që do të thotë se pas mbylljes së qëndrave të votimit grupet e numërimit do të përbëhen nga dy anëtarë të Partisë Socialiste, një anëtar nga Partia Demokratike dhe anëtari i katërt nga LSI.
Mbetet për t’u parë nëse ky vendim i KAS do të apelohet nga PDIU në Kolegjin Zgjedhor brenda pesë ditëve, aq sa janë afatet për ankimime të tilla të përcaktuara në Kodin Zgjedhor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje