.png)
Mëngjesin e të mërkurës Mali i Zi është tronditur nga disa kërcënime me bomba.
Në zyrat e komunave, të shkollave dhe policisë kanë mberritur e-maile ku njoftohet vendosja e bombave në disa institucione, në komunat e Tivarit, Herceg Novi, Budva, Kotorr, Bijelo Polje, Danilovgrad, Mojkovac, Nikshiq, Cetinje, Plavë, Gusinje, Petrovac dhe Kolashin.
Fillimisht është evakuar godina e Bashkisë së Tivarit, ku ndodhet edhe gjykata, prokuroria, si dhe ambientet e partisë.
Ndërkohë, kryetari i Komunës së Nikshiqit u ka bërë thirrje qytetarëve të qëndrojnë të qetë, duke shkruar në Facebook se “është e tmerrshme që dikush në këtë mënyrë kërcënon jetë njerëzish”.
“Ashtu si në disa shkolla fillore, komuna e Nikshiqit mori një raport për një bombë të vendosur me kërcënime për rrezikim të jetëve njerëzore. Ne vepruam menjëherë për të evakuuar njerëzit nga ndërtesa, në bashkëpunim me CB Nikshiq,” tha Kovacevic.
Ndërtesa e vetëqeverisjes lokale është evakuuar edhe në Berane.
Kryetari i Komunës, Tihomir Bogavac, ka thënë për “Vijesti” se objekti është evakuuar sipas rekomandimeve të policisë.
“Ata janë duke ndërmarrë masa dhe veprime në kuadër të kompetencave të tyre”, tha Bogavac.
Mëngjesin e së mërkurës janë evakuuar të tri shkollat fillore të qytetit, si dhe tre shkolla të zonës rurale për shkak të emaileve që kanë mbërritur në adresat e shkollave për lëndët plasëse të vendosura. Thuajse në të gjitha shkollat e këtyre qyteteve është pezulluar per momentin mësimi ndersa policia po vijon hetimet dhe kontrollet
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje