.png)
Gjykata e Apelit e Krimeve të Rënda ka lënë në fuqi masën e arrestit me burg për gjyqtarin Roland Hysi dhe psikologen Elona Meçani.
Gjyqtari Roland Hysi u arrestua pas publikimit të një videoje në emisionin investigativ “Stop” ku kërkonte favore seksuale si dhe mori ryshfet nga një grua, e cila ishte në gjyq për të marrë kujdestarinë e fëmijës. Meçani dyshohet se bënte rolin e sekseres.
Gruaja ishte divorcuar dhe kërkonte kujdestarinë e fëmijës, çështje kjo e cila ishte në dorë të gjyqtarit Hysi. Seanca tek Apeli i Krimeve të Rënda këtë të premte është zhvilluar me dyer të mbyllura dhe ka zgjatur vetëm pak minuta.
Gjyqtari dhe psikologia akuzohen për “Korrupsion pasiv i gjyqtarëve dhe prokurorëve”, si dhe për “Ushtrim i ndikimit të paligjshëm të funksionarëve”.
Gjyqtari i Shkallës së Parë në Fierit u arrestua më 9 janar 2019.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje