.png)
Asambleja Parlamentare e Këshillit të Europës do të dërgojë në Shqipëri një delegacion me 18 anëtarë për të vëzhguar zgjedhjet e 25 prillit.
Delegacioni do të drejtohet nga polaku Aleksander Pociej. Grupi i vëzhguesve do të ndihmohet për aspektet ligjore dhe Kodin Zgjedhor në vend nga ekspertët e Komisionit të Venecias, ndërsa do t’i bashkohen vëzhguesve të OSBE/ODIHR.
Sipas njoftimit të KiE mbërritjes së delegacionit do t’u paraprijnë disa komunikime dhe video-konferenca në distancë me ministrin e Brendshëm, Bledi Çuçi, udhëheqësit e partive politike, kreun e KQZ-së, Ilirjan Celibashi dhe përfaqësues të shoqërisë civile dhe medias.
Delegacioni i KiE do të dalë me një konferencë për shtyp mbi gjetjet paraprake të vëzhgimit ditën e hënë më 26 prill, fill pas zgjedhjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje