.png)
Gazeta Si – “Çlirimi i rajonit të Luhanskut ka filluar, disa vendbanime tashmë janë çliruar nga pushtuesit rusë”, njoftoi kreu i administratës ushtarake rajonale Sergej Gaidai në një video-mesazh, siç raporton agjencia e lajmeve “UNIAN”. Gaidai nuk specifikoi emrin e vendbanimeve të çliruara.
Pas rimarrjes së qytetit kyç lindor të Lyman, në rajonin e Donetskut, gjatë fundjavës, forcat ukrainase kanë vazhduar kundërsulmimin e tyre, duke përparuar në rajonin Luhansk.
Rusia kontrollon pothuajse të gjithë rajonin e Luhanskut. Forcat ukrainase çliruan fshatin Bilohorivka në Luhansk në fund të shtatorit. Hayday u kërkoi banorëve që u larguan nga shtëpitë e tyre në fillim të këtij viti të mos kthehen.
Unë do të doja t’u bëj thirrje të gjithëve. Mos u ktheni, ne do t’ju njoftojmë se kur dhe ku saktësisht mund të ktheheni. Sepse është e nevojshme që Forcat e Armatosura të Ukrainës të përparojnë më tej në vijën e frontit. Territori duhet të çminohet”, tha ai.
Ai gjithashtu u bëri thirrje banorëve në zonat e pushtuara të Luhansk që të përpiqen të qëndrojnë larg vijës së frontit, ose të qëndrojnë në strehimore.
Futja dhe avancimi në territorin e rajonit të Luhanskut, krahas fitoreve në aspektin ushtarak kanë një rendësi të veçantë për Ukrainën pasi pak ditë më parë ai u aneksua nga Rusia dhe tashmë sipas rusëve është territor i Federatës së Rusisë. Nisur nga kjo, krerët e shtetit rus deklaruan se do të përdornin çdo mjet për mbrojtjen e territoreve ruse, përfshi edhe armët bërthamore.
Nga ana tjetër, Moska beson se termocentrali bërthamor Zaporizhje, duhet të funksionojë nën mbikëqyrjen e agjencive përkatëse ruse.
Kështu deklaroi zëvendësministri i Jashtëm rus, Sergei Vershinin. Objektivi kryesor është të grantohet “siguria bërthamore” dhe “funksionimi normal i termocentralit bërthamor, i cili tani ndodhet në territorin rus dhe rrjedhimisht duhet të funksionojë nën mbikëqyrjen e agjencive tona kompetente”, tha Vershinin në një konferencë për shtyp. Moska, cituar nga Interfax.
Sakaq, deklaratat e Pentagonit për përdorimin e mundshëm nga Kievi të raketave “Himars” kundër objektivave në Krime, konfirmojnë se “Shtetet e Bashkuara janë të përfshira drejtpërdrejt në konflikt, duke krijuar një situatë shumë të rrezikshme”, deklaroi zëdhënësi i Kremlinit, Dmitry Peskov, i cituar nga agjencia TASS.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje