.png)
Ambasadorja e SHBA, Yuri Kim u takua këtë të enjte me Drejtorin e Përgjithshëm të Policisë së Shtetit, Gledis Nano.
Kryediplomatja amerikane u shpreh se në këtë takim diskutoi me Nanon rëndësinë që organet ligjzbatuese dhe Policia e Shtetit të qëndrojnë larg ndikimeve të jashtme.
“Diskutuam mbi rëndësinë që ka që policia të rrisë besimin e publikut në radhët e saj. Diskutuam që organet ligjzbatuese të mbeten larg ndikimit të jashtëm”, tha Kim.
Ambasadorja përsëriti premtimet se SHBA do të vazhdojë t’i qëndrojë pranë Policisë së Shtetit përmes ndihmës në trajnime e logjistikë.
“Bashkëpunimi i fortë mes SHBA dhe Shqipërisë për zbatimin e ligjit mbetet i fortë. Do të ofrojmë sa më shumë mbështetje për Policinë e Shtetit”, tha ajo.
Drejtori i Përgjithshëm i Policisë së Shtetit, Gledis Nano falenderoi SHBA për mbështetjen e vazhdueshme që i ka dhënë kësaj strukture dhe tha se do të punojë për forcimin e bashkëpunimit në fushën e sigurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje