.png)
Policia e Durrësit ka vënë në pranga 3 shtetas dhe ka shpallur në kërkim 2 të tjerë për mbjellje kanabisi.
Policia thotë se është konstatuar një rast i kultivimit të bimëve narkotike në vendin e quajtur “Gryka e Xhafës”, në fshatin Shkafane.
Në pranga janë vënë në pranga shtetasit Z. D., 57 vjeç, banues në fshatin Kuraten, Ishëm, pronari i sipërfaqes së tokës, dhe B. V., 25 vjeç, banues në Shkafane, i dyshuar si kultivues i fidanëve narkotikë të gjetur gjatë kontrollit nga ana e Policisë.
Gjithashtu është arrestuar shtetasi U. D., 67 vjeç, me detyrë kryeplaku i fshatit Kuraten, Ishëm.
Ndërkohë janë shpallur në kërkim shtetasit A. V., 24 vjeç, banues në fshatin Kuraten, Ishëm, dhe A. F., 23 vjeç, banues në Thumanë, Krujë, pasi dyshohet se janë të implikuar në këtë veprimtari kriminale.
Materialet i kaluan Prokurorisë së Rrethit Gjyqësor Durrës, për veprat penale “Kultivim i bimëve narkotike” dhe “Shpërdorim detyre”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje