.png)
Klement Balili, me pranga në duar dhe i shoqëruar nga policia, ka dalë nga ambientet e Drejtorisë së Policisë së Tiranës për t’u drejtuar drejt Gjykatës së Krimeve të Rënda ku do të bëhet dhe verifikimi i masës së sigurisë.
Pas hedhjes së shortit një ditë më parë, Miljana Muça është zgjedhur gjyqtarja paraprake për Klement Balilin.
Gjyqtarja paraprake do të bëjë verifikimin e kushteve të masës së sigurisë për Klement Balilin. Muça do të shikojë edhe veprimet e prokurorisë që ka bërë deri tani.
Gjykata pritet që të vendosë masën burg pa afat për “Escobarin e Ballkanit”. Ai do përballet në gjykatë me akuzën e trafikimit të lëndëve narkotike kryer në bashkëpunim në formën e grupit të strukturuar kriminal, “Pjesëmarrje në Grupin e Strukturuar Kriminal”, “Refuzim për deklarimin e pasurisë” pranë ILDKPI dhe “Pastrim i Produkteve të Veprës penale”.
Vetëdorëzimi i Balilit u bë pas negociatave ku u përfshinë avokati i tij, Theodhori Sollaku, drejtori i Policisë së Shtetit, Ardi Veliu si dhe nipi i tij, i cili mban dhe postin e kryetarit të Bashkisë Delvinë, Rigels Balili.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje