.png)
Ish-kreu i Këshillit të Emërimeve në Drejtësi, njëherësh ish-anëtar i Gjykatës së Lartë, Ardian Dvorani pritet të kthehet si gjyqtari i Gjykatave të Apelit.
Vendimi është dhënë nga Këshilli i Lartë i Gjyqësorit, i cili vendosi në mbledhjen e sotme se Dvorani duhet të zgjedhë mes 6 pozicioneve të punës në Gjykatat e Apelit në vend, për të ushtruar funksionin e gjyqtarit.
Mësohet se Dvorani ka afat deri më datë 28 korrik për të vendosur se në cilën gjykatë do të dojë të ushtrojë detyrën e tij.
Dvorani mund të zgjedhë njërin nga pozicionet e lira në gjykatat e mëposhtme:
Gjykata e Apelit Tiranë, Gjykata e Apelit Administrativ, Gjykata e Apelit Durrës, Gjykata e Apelit Korçë, Gjykata e Apelit Gjirokastër, Gjykata e Apelit Shkodër.
Po ashtu Këshilli vendosi hapjen e procedurës së komandimit në pozicionin e ndihmësmagjistratit në Gjykatën e Lartë dhe shpalljen e kërkesës për 5 (pesë) kandidatura nga radhët e gjyqtarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje