.png)
Këshilli i Lartë i Prokurorisë ka zhvilluar sot mbledhjen plenare në platformën online, në praninë e nëntë anëtarëve dhe agjendën e dakordësuar unanimisht.
KLP miratoi po ashtu raportin vjetor mbi veprimtarinë e Këshillit për periudhën janar 2019-dhjetor 2019 si dhe ka miratuar komanduesit e përkohshëm të prokurorive në rrethe.
KLP miratoi projektvendimin “Për caktimin e përkohshëm të Albert Murçaj në funksionin e Drejtuesit të Prokurorisë pranë Gjykatës së Shkallës së Parë Shkodër.
Prokurorja Afërdita Ndoi u caktua në Prokurorinë pranë Gjykatës së Apelit Durrës.
Prokurori Lazër Çardaku në Prokurorinë pranë Gjykatës së Apelit Shkodër.
Ndërsa, prokurori Lorenc Mërkuri u caktua në funksionin e Drejtuesit të Prokurorisë pranë Gjykatës së Shkallës së Parë Sarandë. Erion Çela në funksionin e Drejtuesit të Prokurorisë pranë Gjykatës së së Shkallës së Parë Vlorë.
Po ashtu, u caktua prokurori Ludovik Doda në funksionin e Drejtuesit të Prokurorisë pranë Gjykatës së Apelit Durrës. Asllan Bajramaj në funksionin e Drejtuesit të Prokurorisë pranë Gjykatës së Shkallës së Parë Përmet.
Brahim Dragjoshi në funksionin e Drejtuesit të Prokurorisë pranë Gjykatës së Apelit Shkodër.
Caktimet janë të përkohshme për një afat 3 mujor nga data 27 Prill 2020-26 Korrik 2020.
KLP ka miratuar gjithashtu 4 projekt-akte të vlerësimit, në kuadër të rivlerёsimit kalimtar për prokurorët Arben Smaçi, Afërdita Ndoi, Kolë Hysenaj dhe Avni Kraja. Raportet kalojnë menjëherë Komisionit të Pavarur të Kualifikimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje