.png)
Shkatërrohet një grup kriminal i trafikut të kokainës në Milano, ku janë arrestuar dhe 9 shqiptarë. Ky grup merrej me trafik kokaine në Europën Veriore dhe kryesisht në pjesën e Italisë veriore.
Ata komunikonin me njëri-tjetrin në sajë të telefonave celularë me numra të koduar dhe importonin kokainë falë disa makinave, të cilat ishin të pajisura me lokalizues GPS.
Hetimi nisi në vitin 2015 i udhëhequr nga prokurori i Milanos, Luigi Luzi, duke sjellë edhe sekuestrimin e 40 kg kokaine të pastër, me një vlerë prej 4 milionë eurosh.
“Lënda ishte shpeshherë shumë e pastër, deri në 92%”, është shprehur prokurori italian. Kokaina e prodhuar në Amerikën Jugore, dërgohej drejt Amsterdamit dhe nga aty transportohej me kamion drejt Italisë.
Trafikantët ishin banues në Milano, Breshia, Bergamo dhe në periferi të këtyre tre qyteteve.
“Importimi nga Holanda ndiqte rrugë të ndryshme, shpërndarja vinte sipas modalitetit të rafinuar”, shpjegon shefi i antidrogës në Milano. 11 të arrestuarit ishin të ndara në dy grupe. Grupi i parë, aktiv në zonën Greco Turro të Milanos, e fshehte kokainën në pjesë të ndryshme të makinës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje