.png)
Më 17 prill u zhvilluan zgjedhjet për presidentin e ri të KOKSH-it, ku deputeti Fidel Ylli mori shumicën e votave, duke marrë drejtimin e shoqatës më të madhe sportive në vend. Para zgjedhjeve pati shumë polemika dhe debate, ndërsa disa federata, mes tyre edhe ajo e futbollit, mbetën jashtë votimit. Por kjo histori duket se nuk ka përfunduar.
FSHF e ka çuar në KAS-in e Lozanës këtë çështje, sipas të përditshmes “Panorama Sport”. Institucioni që drejton futbollin në vend i konsideron të pavlefshme dhe të paligjshme zgjedhjet në KOKSH, pasi janë të ndikuara politikisht dhe kanë edhe një sërë parregullsish të tjera. Kujtojmë që FSHF propozoi Artan Shytin si kandidat për president të KOKSH-it, por edhe ai nuk u pranua në garë nga komiteti organizator për mosplotësim të dokumentacionit.
Tani i takon KAS-it si niveli më i lartë i drejtësisë sportive që të vendosë, nëse FSHF ka të drejtë në pretendimet e saj apo. Nëse çështjen e fiton FSHF, atëherë zgjedhjet zhvlerësohen dhe duhet të ribëhen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje