.png)
Kolegji Zgjedhor rrëzoi kërkesën e Partisë Demokratike për rishqyrtim të rezultatit zgjedhor në Qarkun e Fierit, duke lënë në fuqi vendimin e Komisionit për Ankesa dhe Sanksione.
Me këtë vendim, mbetet vetëm Qarku i Elbasanit për vendimmarrje, ndërkohë që më herët Kolegji rrëzoi një nga një edhe 7 kërkesa të tjera të Partisë Demokratike për pavlefshmëri të procesit zgjedhor në po kaq qarqe.
Partia Demokratike dhe Lëvizja Socialiste për Integrim ankimuan rezultatin për 9 qarqe, fillimisht në KAS e më pas në Kolegj Zgjedhor. Opozita i paraqit në Kolegj me të njëjtat materiale që doli para KAS dhe me kërkesën për marrjen e provave shtesë nga institucionet shtetërore.
Kërkesa për prova shtesë u refuzua, ndërsa vendimmarrja e KAS u bazua e gjitha te provat e dorëzuar nga vetë Partia Demokratike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje