.png)
Gazeta Si – Komiteti Olimpik Ndërkombëtar e kishte paralajmëruar për një ndëshkim të mundshëm sportistin ukrainas të skeletonit, Vladyslav Heraskevych, i cili, në fund të një prej provave të tij kishte shfaqur para telekamerave një karton, ku ishte shkruar: “No War In Ukraine” (Jo Luftë në Ukrainë).
Zëdhënësi i Komitetit Olimpik, Mark Adams, ka saktësuar se komiteti ukrainas ishte vënë në dijeni për këtë fakt. Ai gjithashtu u shpreh: “Kur ndodhi kjo situatë, menjëherë kemi folur me ekipin e sportistit, duke i shpjeguar çështjen.
Ai e kuptoi dhe në zbritjen e fundit nuk e përsëriti atë gjest. Të gjithë e duam paqen, por sportistët kanë rënë dakord për faktin se podi dhe momentet e garës nuk janë vendet për të dhënë disa lloj mesazhesh, sepse kemi nevojë që politikisht të mbetemi neutralë. Rasti i Heraskevych nuk u përsërit dhe ne ecim përpara”.
Heraskevych, nga ana e tij, është mjaftuar me një koment të shkurtër: “Unë dua paqe në vendin tim dhe në botë. Ky është qëndrimi im dhe do të luftoj për këtë, pra për paqen”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje