.png)
Kryetari i Qeverisë së Republikës së Maqedonisë së Veriut, Dimitar Kovaçevski do të udhëheqë delegacionin zyrtar në Bruksel, që do të marrë pjesë në Këshillin e Bashkimit Europian në konferencën e parë ndërqeveritare të planifikuar për nesër, më 19 korrik.
Sipas agjendës së publikuan nga mediat fqinje, Kryeministri Kovaçevski, së bashku me Kryeministrin e Shqipërisë, Edi Rama, nesër pritet të takohen me kryetaren e Komisionit Europian, Ursula von der Leyen.
Ndërkohë në Bruksel gjenden që sot delegacioni shqiptar me 25 zyrtarë, në pritje të konferencës.
Delegacioni, kryesuar nga kryeministri dhe ministrja për Europën dhe Punët e Jashtme të cilët do të ulen përballë përfaqësuesve të 27 vendeve anëtare të unionit në prani të përfaqësuesit të lartë të politikës së jashtme Josef Borrell, komisionerit për Zgjerim Oliver Varhelyi dhe ministrit të Jashtëm çek, vend që ka Presidencën e radhës së BE.
Përfaqësuesit e të dy palëve do të paraqesin kornizën negociuese e cila duhet të miratohet. Për Shqipërinë kjo do të jetë dhe çelja zyrtare e negociatave.
Pjesë e delegacionit janë, Olta Xhaçka, Ministre për Europën dhe Punët e Jashtme, Zef Mazi, Kryenegociator i Shqipërisë me BE. Po ashtu do të jetë, Endri Fuga, Drejtor i Agjencisë për Media dhe Informim, drejtuesja e INSTAT, Elsa Dhuli si dhe një sërë zëvendësministrash, nga e Financave tek e Bujqësisë,etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje