.png)
Kryeministri grek Kyriakos Mitsotakis ka dhënë një intervistë televizive për CNN, ku ndër të tjera i dërgoi një mesazh presidentit turk duke i thënë që në vend që të merret me Greqinë të shikojë ekonominë e rrënuar në Turqi.
Ai theksoi se Greqia do të mbrojë sovranitetin e saj territorial, duke nënkuptuar se nuk do të toleroje asnjë shkelje të territorit helen nga forcat turke.
“Ne po përballemi me një krizë gjeopolitike pas pushtimit rus, gjëja e fundit që na duhet është një burim jostabiliteti në Europën Juglindore. E drejta ndërkombëtare është vetëm një mjet. Greqia është sjellë gjithmonë me përgjegjësi. Ne kemi parë sfida serioze në muajt e fundit. Është më mirë që Erdogan të merret me ekonominë turke, sesa të ringjallë fantazitë neo-otomane ,” theksoi ai ndërsa rënia e lirës turke vazhdon.
Me kuptimin, z. Mitsotakis theksoi se politika e jashtme nuk duhet të përdoret për të nxitur ndjenjën kombëtare.
“Ne do të bëjmë gjithçka për të mbrojtur sovranitetin tonë ”, shtoi kryeministri.
Duke iu referuar çështjes së nxehtë të çmimeve të larta të energjisë që ka pllakosur të gjithë Europën dhe në vijim të propozimit të Komisionit për kufizimin e përdorimit të gazit natyror me 15% nga 1 gushti, kryeministri grek u ndal në nevojën e de-përshkallëzimit të menjëhershëm të krizës. Uniteti europian dhe veprimet e koordinuara.
“Ne kemi rënë dakord në parim për të ulur konsumin e gazit me 15%. Ne gjithashtu kemi rënë dakord që nuk është e detyrueshme. Por ne duhet t’u dërgojmë një mesazh më të qartë tregjeve se jemi të besueshëm. Prandaj propozoj një zgjidhje të ndërmjetme mes masave të detyrueshme dhe vullnetare, me një mekanizëm kompensimi për industritë. Ne do t’i paguajmë industritë që të mos përdorin gaz, në mënyrë më të organizuar ”,tha kryeministri.
Ai foli edhe për nevojën e veprimeve të koordinuara të BE-së për zbutjen e krizës energjetike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje