.png)
Gazeta Si – Koreja e Jugut mund të zgjerojë fushën e ndihmës ushtarake për Ukrainën përtej ndihmës së saj aktuale humanitare dhe ekonomike dhe të hapë mundësinë e dërgimit të armëve për herë të parë.
Kjo është ajo që del nga një intervistë, e dukshme në faqen e internetit të agjencisë së lajmeve “Reuters”, të presidentit të Koresë së Jugut, Yoon Suk Yeol, në funksion të vizitës së tij shtetërore në SHBA javën e ardhshme.
“Nëse ekziston një situatë që komuniteti ndërkombëtar nuk mund ta tolerojë, siç është një sulm në shkallë të gjerë kundër civilëve, një masakër ose një shkelje serioze e ligjeve të luftës, mund të jetë e vështirë për ne të insistojmë vetëm në mbështetje humanitare ose financiare”, – tha Yoon.
Por reagimi i Rusisë ka qenë i menjëhershëm, duke i lënë të kuptojë Jugut se armët ruse mund të shkojnë në Korenë e Veriut si një kundërpërgjigje.
“Ka vende të reja të gatshme për të ndihmuar armiqtë tanë. Presidenti i Koresë së Jugut, Yun Sok-yeol, ka thënë se, në parim, Seuli është i gatshëm të furnizojë regjimin e Kievit me armë. Deri kohët e fundit, koreano-jugorët siguruan që mundësia e furnizimit me armë vdekjeprurëse në Kiev do të përjashtohej plotësisht. Pyes veten, se çfarë do të thonë njerëzit e këtij vendi kur të shohin armët më të fundit ruse nga partnerët tanë koreano-veriorë. Ajo që quhet quid pro quo…”.
Kërcënimi i Dmitri Medvedev për Korenë e Jugut për mundësinë që Seuli të dërgojë armë në Ukrainë, është i qartë.
Zv.kryetari i Këshillit të Sigurisë ruse, nuk është hera e parë që përdor tone të ashpra kundër Perëndimit.
Medvedev madje ka deklaruar shpesh se Rusia është e gatshme të përdorë arsenalin e saj bërthamor kundër vendeve që janë një rrezik ekzistencial për Rusinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje