.png)
Koreja e Veriut ka lëshuar një raketë balistike në brigjet e saj lindore. Raketa ra në ujë midis gadishullit Korean dhe Japonisë, duke shkaktuar reagime të shumta nga Seuli dhe Tokio.
Ndërkohë nga ana tjetër, OKB-ja ka ndaluar Korenë e Veriut të përdorë testet e armëve balistike dhe bërthamore. Udhëheqësi Kim Jong-un është zotuar të forcojë mbrojtjen e Veriut. Koreja e Veriut testoi një sërë raketash vitin e kaluar në mes të bisedimeve të lëna pezull me Korenë e Jugut dhe SHBA-në.
“Inteligjenca e Koresë së Jugut dhe ajo e SHBA-së po analizojnë nga afër situatën për detaje të mëtejshme”, tha në një deklaratë Shefi i Shtabit të Përbashkët të Koresë së Jugut.
Rikujtojmë se në vitin 2017, Koreja e Veriut testoi Hwasong-15, një raketë që arriti kulmin në një lartësi të vlerësuar prej 4.500 km. Nisja vjen disa ditë pasi Kim tha se Pheniani do të vazhdojë të forcojë aftësitë e tij mbrojtëse për shkak të një mjedisi gjithnjë e më të paqëndrueshëm ushtarak në gadishullin Korean.
Kryeministri japonez Fumio Kishida e cilësoi lëshimin e fundit të papranueshëm”, duke vënë në dukje testimin e përsëritur të raketave nga Koreja e Veriut që nga viti 2021.
Burimi: BBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje