.png)
Gazeta Si – Qeveria e Koresë së Veriut ka miratuar një ligj të ri që lejon shtetin të kryejë një sulm bërthamor parandalues ndaj një vendi që besohet se përbën një kërcënim të menjëhershëm për Phenianin.
Lajmin e ka raportuar agjencia shtetërore e lajmeve KCNA, e cituar nga “Tass”. Ligji gjithashtu lejon Korenë e Veriut të godasë automatikisht një kundërshtar nëse vendi sulmohet.
Koreja e Veriut do të vazhdojë të forcojë potencialin e saj bërthamor dhe të zgjerojë aftësitë e saj bërthamore, raporton agjencia shtetërore e lajmeve KCNA e cituar nga “Tass”.
“Ne do të vazhdojmë të forcojmë gatishmërinë luftarake në sferën bërthamore dhe të zgjerojmë aftësitë e përdorimit të armëve bërthamore”, tha udhëheqësi i Koresë së Veriut Kim Jong-un – sipas raporteve nga KCNA.
Koreja e Veriut nuk do të angazhohet në bisedimet për denuklearizimin në të ardhmen, shtoi Kim Jong-un.
“Posedimi i armëve bërthamore është e drejta jonë legjitime dhe e patjetërsueshme. Ne nuk kemi plane të refuzojmë armët bërthamore. Ligji i ri i bën të pamundura bisedimet për denuklearizimin”, – tha Kim sipas agjencisë shtetërore të lajmeve.
Në të njëjtën kohë, Koreja e Veriut merr përsipër të mos u shesë armë dhe teknologji bërthamore vendeve të tjera në përputhje me ligjin e ri të miratuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje