.png)
Çifti i fundit i raketave balistike të Koresë së Veriut u lëshuan nga një tren që doli nga një tunel nën një mal. Të mërkurën lëshimi i bombave ishte zbuluar nga mbrojtja ajrore japoneze, e cila megjithatë nuk e kishte vënë re (ose raportuar) autokolonën. Këtë mëngjes, gazeta “Rodong Sinmun” e Phenianit, publikoi një seri fotografish në lidhje me testin.
Sipas propagandës së Koresë së Veriut, ishte testi i parë i zjarrit i “Regjimentit të Raketave Hekurudhore Mobile”, i krijuar “për të shkaktuar goditje të rënda ndaj forcave që kërcënojnë atdheun, duke shpërndarë potencialin tonë në territor”.
Koreja e Veriut tashmë ka treguar dhe përdorur lëshues të lëvizshëm, të montuar në automjete të mëdha me rrota, por është hera e parë që përdor një tren për testet e saj raketore.
Sipas Ankit Panda, një studiues i Fondacionit Carnegie, “artileria e raketave hekurudhore nuk është më e mirë se artileria e lëvizshme në rrugë, por krijon një dhimbje koke tjetër për planifikuesit e mbrojtjes të Koresë së Jugut dhe Amerikës.
Raketat e gatshme për lëshim të karburantit të ngurtë, mund të dalin nga një tunel hekurudhor dhe të lëshohen, edhe nëse pika është e njohur.
Vitet e fundit, Kim Jong-un ka urdhëruar ushtrinë e tij të zhvillojë një përzierje të mundësive të lëshimit të raketave, për ta bërë parandaluesin e tij më të frikshëm. Dy raketat e lëshuara nga një tren dje u rrëzuan në Detin e Japonisë, pasi fluturuan për 800 kilometra.
Koreja e Jugut po përshpejton gjithashtu garën e armatimit. Të mërkurën, disa orë pas testit verior, koreano-jugorët provuan një raketë balistike të lëshuar nga një nëndetëse për herë të parë.
Kim Yo Jong, motra e Marshallit të Phenianit, u përgjigj duke kërcënuar me “shkatërrim të plotë” të marrëdhënieve dypalëshe me Seulin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje