.png)
Ambasada amerikane në Tiranë ndan bindjen se gjyqtarët dhe prokurorët e shkarkuar nga procesi i vettingut duhet të hetohen, gjykohen e dënohen nëse provohet se kanë shkelur ligjin gjatë ushtrimit të detyrës.
Ky qëndrim është shprehur tërthorazi nga Ambasadorja Yuri Kim, e cila përmes rrjeteve sociale i ka dhënë “Pajtimin” një deklarate të kreut të grupit parlamentar socialist, Taulant Balla.
Deri më tani asnjë prokuror dhe gjyqtar i shkarkuar nga vettingu nuk është marrë nën hetim, apo gjykuar.
Vetë ligji i vettingut nuk parashikon ndjekjen penale të gjyqtarëve dhe prokurorëve që shkarkohen kryesisht për mosjustifikim të pasurisë, lidhje me botën e krimit, apo paaftësi profesionale.
E vetmja masë e parashikuar në këtë ligj është ndëshkimi administrativ duke u ndaluar kësaj kategorie që të punojnë për 15 vitet e ardhshme në sistemin e drejtësisë.
Ndërkohë, hetimi i gjyqtarëve dhe prokurorëve që kanë ngecur në vetting kërkohet edhe nga Bashkimi Europian dhe e përforcuar edhe nga Holanda, si kusht për mbajtjen e konferencës së parë ndërqeveritare në kuadër të negociatave të anëtarësimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje