.png)
Gazeta Si – Presidenti Volodimir Zelenski ka njoftuar ndryshime të personelit në administratën publike (në nivele të larta dhe të ulëta) pas skandalit më të keq të korrupsionit në Ukrainë që nga fillimi i luftës.
Presidenti nuk përmendi emra. Aleatët e qeverisë kanë folur për persona të arrestuar.
Zelenski njoftoi një kufizim ndaj udhëtimeve jashtë Ukrainës nga zyrtarët publikë.
Ndërkohë Kyrylo Tymoshenko, zëvendës shefi i shtabit të tij presidencial, njoftoi këtë të martë në Telegram se i kishte kërkuar Zelenskit dorëheqjen.
“Falënderoj presidentin për besimin dhe mundësinë për të bërë vepra të mira çdo ditë dhe çdo minutë”.
Policia kundër korrupsionit arrestoi të dielën zëvendësministrin e Infrastrukturës, i dyshuar për marrje ryshfeti prej 400,000 dollarësh në një furnizim gjeneratorësh nga jashtë shtatorin e kaluar.
Zëvendësministri i Mbrojtjes, Viatcheslav Shapovalov njoftoi gjithashtu dorëheqjen e tij, pas një hetimi gazetaresk që nxori në pah raste të korrupsionit në furnizimet me ushqime për ushtrinë.
Zëvendës Prokurori i Përgjithshëm Oleksei Simonenko është larguar gjithashtu nga detyra.
Ukraina ka një histori korrupsioni dhe në vitin 2021, “Transparency International” e ka renditur vendin në 122 nga 180 vende në renditjen e shteteve të korruptuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje