.png)
Nëse në ndeshjet e Ligës së Kombeve do të kishte VAR, Kosova do të kthehej me një pikë të merituar nga Sllovenia, pasi deri në minutat shtesë rezultati ishte 1-1. Gjyqtari polak Frankovski i dhuroi një penallti Sllovenisë, duke e konsideruar prekje me dorë atë të Alitit, por në fakt nuk ishte e tillë.
Vedat Muriqi e kaloi Kosovën në avantazh, por vetëm pas pak minutash sllovenët barazuan me Kurtiç. Kur dukej se kjo ndeshje do të mbyllej në barazim, protagonist u bë arbitri me atë penallti të dhuruar për vendësit, që fituan 2-1. Pas 5 ndeshjesh në grup, Kosova ka vetëm 2 pikë. Edhe në këtë ndeshje ekipi u drejtua nga Muharrem Sahiti, pasi Shaland është i karantinuar. Ndeshjen e fundit Kosova do ta luajë me Moldavinë ditën e mërkurë, kur do të vendoset për qëndrimin në Ligën C.
Në Ligën A të Ligës së Kombeve bie në sy humbja e Anglisë në fushën e Belgjikës. Italia mundi 2-0 Poloninë me gola të Zhorzhinjos me penallti dhe Berardit. Holanda kaloi pa probleme Bosnjën 3-1, kurse Danimarka fitoi ndaj Islandës me dy penallti të realizuara nga Eriksen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje