KQZ rendit kandidatët e 6 marsit dhe skualifikon njërin prej tyre në Durrës

Komisioni Qendror i Zgjedhjeve ka miratuar renditjen e kandidatëve në fletën e votimit për 6 bashkitë që do të futen në zgjedhjet e pjesshme vendore më 6 mars, miratoi modelet e dokumenteve që do të përdoren nga Grupi i Numërimit dhe Komisioni i Zonës së Administrimit Zgjedhor për nxjerrjen e rezultateve të zgjedhjeve dhe skualifikoi një kandidat në Bashkinë e Durrësit.

Vendimet u morën në mbledhjen e kësaj të shtune të KQZ-së, ku komisioneri Ilirjan Celibashi nuk ka regjistruar kandidatin për bashkinë Durrës, Jonid Nano të propozuar nga partia Lëvizja e Re. Celibashi tha se Nano nuk mund të regjistrohet pasi partia që e ka propozuar nuk ka një mandat në Këshillin Bashkiak Durrës, kriter ky i nevojshëm për të gjitha partitë joparlamentare që propozojnë kandidatë për zgjedhje vendore.

Renditja e kandidatëve sipas bashkive

Bashkia Shkodër

1. Partia Socialiste me Majlinda Angonin
2. Koalicioni ‘Shtëpia e lirisë’ me Bardh Spahinë
3. Partia Demokratike me Xhemal Bushatin

Bashkia Dibër

1. Koalicioni ‘Shtëpia e Lirisë’ me Premtim Kryemadhin
2. Partia Demokratike me Luan Hakën
3. Partia Socialiste me Rahim Spahiun
4. Lëvizja e re me Dritan Torbën

Bashkia Durrës

1. Koalicioni ‘Shtëpia e Lirisë’ me Ardian Mukën
2. Partia Socialiste me Emiriana Sakon
3. Partia Demokratike me Luan Hotin

Bashkia Vorë

1. Koalicioni ‘Shtëpia e Lirisë’ me Lulzim Vranën
2. Partia Socialiste me Blerim Sherën
3. Partia Demokratike me Ymer Markun

Bashkia Rrogozhinë

1. Partia Demokratike me Ferdinand Saraçin
2. Partia Socialiste me Edison Memollën
3. Koalicioni ‘Shtëpia e Lirisë’ me Hekuran Xhanin

Bashkia Lushnjë

1. Partia Socialiste me Eriselda Sefën
2. Partia Demokratike me Indrit Sefën
3. Koalicioni ‘Shtëpia e Lirisë me Elton Banon

Zyrtarisht, fushata zgjedhore nis më 19 shkurt.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---