.png)
“Kam vendosur të jem kandidate për presidencën e Republikës Franceze”. Kështu ka njoftuar në Rouen, Normandi, kryebashkiakja socialiste e Parisit, Anne Hidalgo.
Në atë që dukej se ishte një sulm i qartë ndaj presidentit aktual, Emmanuel Macron, Hidalgo tha: “Unë dua të filloj t’i jap fund përbuzjes, arrogancës, përçmimit të atyre që e njohin jetën tonë në mënyrë të keqe”. Programi i saj bazohet në “një Republikë të decentralizuar, më afër qytetarëve, me qytetarët”.
Ndër gurët e tjerë të themelit të idealit të saj për Francën, është një vend me “ndotje të ulët mjedisore”, më “të drejtë”, me paga më të larta, “veçanërisht për mësuesit dhe punonjësit e shëndetësisë”.
Hidalgo foli për një zgjedhje të bërë “me përulësi dhe me vetëdije për gravitetin e momentit”. “Do të jetë takimi i gruas së parë Presidente të Republikës me gratë franceze”, përfundoi ajo.
Njoftim për vendimin si kandidate për presidente, u bë gjithashtu edhe nga udhëheqësja e Rassemblement National, Marine Le Pen, e cila ka hyrë zyrtarisht në fushatën elektorale për zgjedhjet presidenciale në prill.
“Logjika më kërkon sot të dal nga logjika partiake, unë mora vendimin për të lënë presidencën e lëvizjes sonë, – deklaroi ajo në një tubim në Fréjus, në jug të Francës. – Ne jemi bërë një parti qeverisëse në këto 10 vjet, në këtë moment vendi është në një udhëkryq midis humnerës dhe majës”.
Humblement, consciente de la gravité de cet instant, et pour faire de nos espoirs la réalité de nos vies, j’ai décidé d’être candidate à la présidence de la République française. pic.twitter.com/viaXwURm53
— Anne Hidalgo (@Anne_Hidalgo) September 12, 2021
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje