.png)
Me një reagim në Facebook, Kryetarja e LSI, Monika Kryemadhi i është përgjigjur kryeministrit Edi Rama pas reagimit të tij mbi arrestimin e ish-ministrit Lefter Koka për aferën e inceneratorëve. Kryemadhi shkruan se pas 24 orësh, i erdhi zëri dhe reagoi Rama duke e quajtur përgjegjësi individuale aferën e inceneratorëve.
Sipas saj kjo aferë nuk është e vetëm një individi, por skema më e madhe korruptive në historinë e një vendi.
“Vlerësimi, kontrata dhe kthim përgjigje i 10 Ministrive brenda ditës, apo miratimi i VKM korruptive për miratim kontrate për një ditë, nuk ndodh as në shtetin më demokratik dhe funksional perëndimor, e jo më në shtetin e 2-të në botë për perceptimin më të lartë të korrupsionit. Nuk ka VKM që miraton miliona euro brenda dite pa OK e Ramës”, shkruan Kryemadhi duke shtuar se institucionet duhet të zbardhin përgjegjësitë e plota të gjithë zyrtarëve publikë, subjekteve private dhe individëve pjesmarrës në këtë aferë dhe përballjen e tyre me forcën e ligjit.
Ajo përmend edhe se faktet e pakundërshtueshme i ka dorëzuar në SPAK, “mjafton ti lexosh dhe kupton qartë lojën, aktorët dhe rrjedhën logjike të gjithë aferës. Kjo është sprova më e madhe për drejtësisë e re, e cila ka mundësinë të luftojë korrupsionin dhe shpërdorimin e detyrës të kupolës së Lartë Qeveritare”, shkruan Kryemadhi.
Kryemadhi e mbyll postimin e saj me pyetjen: kush do të mbajë përgjegjësi për 430 milionë euro të firmosura nga duart e gjata të Ramës?”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje