.png)
Kryeministri i Britanisë së Madhe, Boris Johnson, ka hyrë në vetëizolim pasi u takua me një deputet, i cili më vonë doli pozitiv për COVID-19.
Johnson u takua të enjten rreth 35 minuta me deputetin, Lee Anderson, i cili një ditë më pas kishte simptoma të sëmundjes COVID-19, që e shkakton koronavirusi i ri.
Kryeministri tani do të punojë nga banesa e tij në Downing Street.
“U njoftova që duhet të izolohem pasi kam qenë në kontakt me dikë që doli pozitiv për COVID-19”, tha ai.
Në muajin prill, kryeministri Johnson kaloi tre netë në kujdesin intensiv, pasi u infektua me koronavirus.
Ekspertët mendojnë se ri-infektimi me koronavirus ka të ngjarë të jetë i rrallë, raporton BBC.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje