.png)
Në Tiranë ka mbërritur këtë të hënë për një vizitë zyrtare Kryeministri i Spanjës, Pedro Sanchez. Ndalesa në kryeqytetin shqiptar është pjesë e turit të vizitave në Ballkanin Perëndimor për të.
Më herët, Sanchez u ndal në Serbi, Bosnje, Mal të Zi dhe Maqedoninë e Veriut, duke përjashtuar Kosovën, ku Spanja është një prej pesë vendeve të BE-së që nuk e njeh ende pavarësinë.
Mesazhet e përcjella prej tij në takimet e zhvilluara në kryeqytetet e vendeve të Ballkanit u mëshuan marrëdhënieve të Spanjës me vendet e Ballkanit Perëndimor dhe mbështetjen e Spanjës në rrugën drejt integrimit europian për to.
Ndërkohë, nga Beogradi Sanchez ka shuar të gjithë zërat që flisnin për një njohje të mundshme të Pavarësisë së Kosovës nga ana e Spanjës.
Gjatë një konferencë të përbashkët për media me Presidenti serb, Aleksandër Vuçiç, ai tha se Spanjën dhe Serbinë i lidh nevoja për të “respektuar të drejtën ndërkombëtare dhe sovranitetin dhe integritetin territorial të dy vendeve” dhe se “Spanja do të jetë gjithmonë në krah të Serbisë në respektimin e këtyre parimeve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje