.png)
Gazeta Si – Kryetari i Partisë Demokratike në Lushnjë, Eduard Sharka ka thënë se trau me pagesë në parkun e Divjakës nuk do të lejohet të vendoset, sepse dëmtohen qytetarët dhe zona humb turistët.
Pas përplasjes së kësaj të enjteje me policinë për largimin e objektit, Sharka tha se protesta ishte një mosbindje civile nga ana e qytetarëve.
“Aktualisht situata është e qetë, protestuesit po qëndrojnë, por dhe policia. Aktualisht rruga është e hapur, – tha Sharka. – Nuk mundet që një urdhër administrativ të bllokojë një rrugë nacionale, pasi prek shumë interesat e banorëve të Divjakës dhe atyre që kalojnë në këtë rrugë. Në këto kushte, kur urdhri administrativ del kundër vullnetit të qytetarëve, deputetëve dhe Bashkisë Divjakë, ne menduam që ishte e nevojshme një gjest i mosbindjes civile”.
Sharka shton se i kanë kërkuar policisë vendosjen e traut dhe kabins, por sipas tij, ata vendosën “ta mbrojnë me trupa sikur të ishte një objekt i rëndësisë së veçantë”.
Zyrtari i PD përsëriti edhe një herë se banorët janë kundër vendosjes së traut, sepse “janë ata që dëmtohen më shumë, çdo qytetar që do të vijë me pagesë, bizneset e zonës do të humbin klientët e tyre. Zona humb shumë turistë”, shtoi Sharka.
Ndërsa deputeti demokrat i Lushnjës, Saimir Korreshi, në një postim në rrjetet sociale ka mbajtur një qëndrim të ashpër: “Plerë pushteti, që nuk ngopet duke i pirë gjakun shtetasve shqiptarë, po mundohet t’i vendosë traun e të taksojë kalimin në pyllin dhe plazhin e Divjakës. Në këtë shtet ka ngelur vetëm të taksojnë ajrin se dhe shkuarjen në banjë me lekë e kanë bërë”, – shkroi Korreshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje