.png)
Rrugët e Mirel Josës dhe Kukësit janë ndarë sot. Klubi verior ka njoftuar se trajneri kryeqytetas, i cili e mori drejtimin e skuadrës gjatë sezonit që lamë pas, nuk është më pjesë e Kukësit.
“Futboll Klub Kukësi njofton se Mirel Josa nuk është më trajner i skuadrës sonë. Josa ka pasur një bisedë me drejtuesit e klubit dhe më pas është vendosur që të ndërpritet bashkëpunimi. Kukësi e falënderon trajnerin Josa per kontributin e dhënë dhe i uron suksese në karrierën e tij”, – shkruhet në njoftimin e klubit kuksian.
Për herë të parë këto vitet e fundit Kukësi mbeti jashtë kupave të Europës dhe ky është një dështim i madh. Përveç trajnerit Josa pritet të largohet edhe drejtori sportiv Ndeërim Nexhipi, vendin e të cilit do ta marrë kroati Pero Pejiç. Ish-sulmuesi që është shpallur kampion me Kukësin, ka qenë kohët e fundit në Tiranë, ku është takuar me presidentin Safet Gjici.
Pejiç pritet të ketë në dorë çelësat e skuadrës së sezonit të ri. Ai do të kujdeset për merkaton, ndërsa për emrin e trajnerit të ri duhet pritur pak. Ndoshta edhe trajneri mund të vijë nga jashtë Shqipërisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje