.png)
Paulo Fonseka ka një mbrojtësi të ri në dispozicion. Roma zyrtarizoi ditët e fundit Marash Kumbullën, lojtarin e Kombëtares së Shqipërisë, i kërkuar nga shumë klube të mëdha pas atij sezoni mbresëlënës në Serinë A, ku debutoi me fanellën e Veronës.
Kumbulla është transferuar te Roma me formulën e huazimit, me detyrim blerjeje. Në marrëveshjen mes klubeve, Roma ka futur edhe kartonët e tre lojtarëve të saj, Çetin, Kançelieri dhe Diabi, të cilët do të luajnë për Veronën sezonin e ri. Mbrojtësi kuqezi pritet të mbushë te Roma boshllëkun e lënë nga Facio, jashtë planeve të trajnerit Fonseka. Po ashtu, klubi verdhekuq nuk arrit të mbante në skuadër anglezin Smolling, ndërsa Kolarov kaloi tek Interi.
Marash Kumbulla ka firmosur një kontratë deri në qershor të 2025-ës. Pas zyrtarizimit, ai u shpreh shumë i lumtur për këtë hap të madh në karrierë. “Roma është një mundësi e artë dhe një sfidë e parezistueshme. Më bëri për vete projekti i këtij klubi dhe nuk hezitova në vendimin ti për të ardhur këtu. Do të bëj gjithçka për të mos i zhgënjyer personat që kanë pasur besim tek unë”, – ka theksuar Kumbulla gjatë prezantimit me fanellën e Romës.
Për mbrojtësin shqiptar ishin në lojë disa klube italiane, por edhe gjermane dhe angleze. Interi ishte një mundësi, ndërsa Igli Tare, drejtori sportiv i Lacios, nuk arriti ta mbyllte marrëveshjen në këtë rast, pasi oferta e tij ishte më e ulët se ajo e Romës. Me një letër emocionuese, Kumbulla ka falënderuar klubin e Veronës dhe tifozët e saj. Ai iu bashkua Veronës kur ishte 8 vjeç dhe largohet tani, pas 12 vjetësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje