.png)
Një 31-vjeçar, i cili drejtonte makinën në gjendje të dehur, kundërshtoi me dhunë punonjësit e policisë në Kurbin dhe i kanosi ata më pistoletë imituese.
Por pas disa minutash ndjekjeje është prangosur, ndërkohë që në pranga ka rënë dhe vëllai i tij, pasi kundërshtoi me dhunë punonjësit e policisë.
Në rrugën dytësore Milot-Mamurras, policia konstatoi drejtuesin e makinës që po kryente manovra të rrezikshme dhe nuk kishte vendosur rripin e sigurimit. Atij iu bë shenjë për të ndaluar, por u largua me shpejtësi, duke rrezikuar sipas policisë, jetën e efektivëve.
Pasi janë venë në ndjekje të tij, policia e ka pikasur sërish në fshatin Malbardhë, Kurbin, drejtuesin e mjetit, i cili ka kundërshtuar shoqërimin, duke iu drejtuar punonjësve të policisë një armë, në dukje zjarri pistoletë dhe me ndihmën e një personi tjetër ka mundur të largohet.
Në ndihmë të Policisë Rrugore kanë shkuar forca e posaçme “Shqiponja”, Forca Operacionale e Lezhës dhe shërbimet e Policisë Kurbin, të cilat kanë arritur të bëjnë identifikimin, lokalizimin, kapjen dhe arrestimin e drejtuesit të makinës F. L., 31 vjeç, me precedentë të mëparshëm kriminal në fushën e armëmbajtjes pa leje, vjedhjes, kundërshtim me dhunë të punonjësit të policisë dhe K. L. (vëllezër), banues në Kurbin.
Gjatë kontrollit me alkoolmatësin (drager) ka rezultuar se F.L. drejtonte mjetin në gjendje të dehur. Gjithashtu, nga policia, u sekuestrua një pistoletë imituese, me të cilën ai dyshohet se kanosi punonjësit e policisë si dhe 2 automjete. Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje