.png)
Presidenti Hashim Thaçi ka thirrur sërish sot Albin Kurtin për të marrë mandatin për formimin e qeverisë. Hapi i radhës, i cili vjen pas dy ftesave të refuzuara pritet të shtojë presionin ndaj kreut të Vetëvendosjes. Takimi pritet të mbahet nesër në orën 10:00, në Presidencë,por nuk dihet ende nëse Kurti do t’i përgjigjet pozitivisht kësaj ftese.
“Me qëllim të konsultimit për të propozuar kandidatin për Kryeministër për formimin e Qeverisë së Republikës së Kosovës, ju ftoj sërish për takim konsulativ, me datën 31 dhjetor 2019, në orën 10:00, në Kabinetin e Presidentit të Republikës së Kosovës”, thuhet në ftesën e Thaçit drejtuar Kurtit.
Kjo ftesë vjen pasi Kurti sfidoi presidentin Thaçi, duke thënë se ai nuk e përcakton datën e konstituimit të Kuvendit dhe jo më atë të formimit të Qeverisë.
“Formimin e Qeverisë e përcakton tjetërkush, e jo presidenti. Mua datën për formimin e Qeverisë ma përcakton Lidhja Demokratike e Kosovës”, ka thënë Kurti. Ai duket se po përpiqet të fitojë kohë, duke shmangur marrjen e mandatit si kandidat për kryeministër, pasi negociatat me LDK-në janë bllokuar prej ditësh. Pas marrjes së mandatit nga presidenti, Kurti ka 15 ditë për formimin e qeverisë, afat që duket i pamjaftueshëm duke parë pëplasjet mes LKD-së dhe VV-së.
Sipas kushtetuës, Kurti duhet të formojë qeverinë 15 ditë pasi Thaci ti dorëzojë mandatin dhe më pas emri i tij duhet ti propozohe Kuvendit, ku duhet të marrë miratimin e 61 deputetëve.
Në rast se Kurti nuk formo qeverië, atëherë Thaci duhet të thërrasë kreun e partisë së dytë më të votuar, kreun e LDK-së, Isa Mustafës për të marra mandatin për formimin e qeverisë. Në rast se edhe ai nuk arrin të formojë qeverinë, atëherë presidenti shpall zgjedhje të parakoshme.
Në këto kushte, Kurti duket se po shmag marrjen e mandatit, për të mos djegur ditët për formimin e qeverisë. Por mediat në Kosovë thonë se ai nuk mund ta shtyjë marrjen e mandatit edhe për shumë kohë. Sipas tyre, ai ka kohë deri më 11 janar për të marrë mandatin, pra 15 ditë pas konstituimit të Kuvendit.
Duke folur ngërcin për formimin e qeverisë më shumë se tre muaj pas zgjedhjeve të parakohshme parlamentare, Kurti e bëri të qartë të dielën se gjithcka varet ngaLidhja Demokratike e Kosovës.
Albin Kurti ditë më parë kishte refuzuar dy ftesa të presidentit të Kosovës Hashim Thaci, për
“Takimet me LDK-në do të ndodhin dhe do të ketë konsultime të vazhdueshme. Ndërkohë ë intensifikojmë bisedimet”, tha Kurti. “Ne i kemi ofruar LDK-së poste të rëndësishme, të cilat janë refuzuar”, theksoi kreu i VV-së.
Ai sinjalizoi se nuk do merrte mandatit përpara janarit, duke thënë se kishte përpara fillimin e vitit për arritjen e marrëveshjes me LDK-në. Kurti bëri të ditur se I kishte ofruar LDK-së postin e kryetarit të Kuvendit, por se kjo e fundit e kishte refuzuar.
“80 ditë nuk mjaftuan për ta arritur marrëveshjen që kërkohej sepse kishte kërkesa përtej mandatit. Ne kemi marrë mesazh të qartë në zgjedhje, që opozita e djeshme të jetë pozita e ardhshme. Ne kemi ofruar njërin nga dy postet që qytetarët na ofruan neve. E ofruam pozitën e kryeparlamentarit por ajo u refuzua”, ka thënë Kurti para mediave.
Vonesat për formimin e qeverisë duket se kanë shtuar edhe padurimin në mesin e qytetarëve. Të dielën në Kosovë janë ndekur penalisht dy persona për këcënimin e Kurtit dhe djalit të Isa Mustafës.
Nën dyshimet se ka kërcënuar me jetën kryetarin e Lëvizjes Vetëvendosje, Policia e Kosovës ka ndaluar për 48 orë Haxhi Hoti, pjesë e partisë Nisma Socialdemokrate.
Arrestimi erdhi pasi Hoti shkruante në profilin e tij në Facebook, se “Albin Kurti ika dy rrugë: “Ose të braktisë Kosovën ose të vritet”.
Pas tij edhe djali i Isa Mustafës, Besnik Mustafa, ka marrë një kërcënim nga një qytetar, i cili e kercënonte me jetë.
“Kam për të rrjepur për së gjalli’, shkruate ai mes shumë ofendimesh të tjera banale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje