.png)
Sapo ka “blinduar” një nga xhevahiret e tij me kontratë të re, Luis Alberton, Lacio është gati dy rinovimet e radhës, Tomas Strakoshën dhe Luiz Felipen. “Gazzetta dello Sport” shkruan sërish për zgjatjen e kontratës së portierit kuqezi me klubin e Lacios, deri në 2025-ën.
Igli Tare ka marrë tashmë miratimin e rinovimit nga mesfushori spanjoll, kontratë deri në 2025-ën, me pagë 3.5 milionë euro. Tani puna e drejtorit teknik është përqendruar pikërisht te prapavija, te portieri shqiptar Strakosha dhe mbrojtësi brazilian Luiz Felipe. Që të dy kanë një marrëveshje me klubin, që skadon në 2022-shin, që nuk është afër, por edhe larg jo. Tare kërkon t’i mbajë fort si Strakoshën, ashtu edhe Luiz Felipen, duke parë moshën e tyre të re. Portieri është 25 vjeç, kurse mbrojtësi 23. Këtë sezon kanë pasur një rendiment të jashtëzakonshëm dhe disa klube i kanë vënë në shënjestër.
Strakosha sezonet e fundit është ndjekur nga klube të Premier ligës, ndërsa Luiz Felipe javët e fundit është përfolur për një interesim të Barcelonës. Gjithçka mbetet e hapur për momentin. Oferta e Lacios është e njëjtë: zgjatje kontrate deri në 2025-ën, si Luis Alberto. Ajo që ndryshon është ana ekonomike. Strakosha përfiton pak më shumë se 1 milion euro dhe me kontratën e re mund të shkojë në 2 milionë eurove në vit. Lacio e ka rritur ofertën me sa duket, pasi fillimisht i ofroi 1 milionë e gjysmë portierit kuqezi. Luiz Felipe paguhet 800 mijë euro dhe propozimi i Tares është për 1.5 milionë euro në vit.
Bisedimet kanë avancuar, sidomos me Strakoshën, pasi me të kanë nisur më parë. Ka një hipotezë që në kontratën e të dyve të ketë një klauzolë për prishjen e kontratës, siç ka ndodhur me Korrean. Rinovimi i Strakoshës pritet të zyrtarizohet shumë shpejt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje