.png)
Presidenti i Barcelonës, Joan Laporta, ka folur në konferencë shtypi për gjithë temat që lidhen me ekipin, duke nisur nga çështja e Lionel Mesit: “Leos i kemi bërë një ofertë për rinovimin e kontratës. Meriton më shumë dhe mund të fitojë më shumë, por dëshira e tij për ta bërë Barcelonën të madhe do të thotë se po e vlerëson shumë sforcon që po bëjmë.
Mendoj se është entuziast për projektin tonë, që është baza. Jam mjaft optimist për qëndrimin e tij. Nuk është një çështje parash, por e të pasurit një skuadër që mund të fitojë gjithçka. Dhe kjo është ajo që ne po përpiqemi të bëjmë”, – ka theksuar presidenti i katalanasve.
Në Spanjë ishin të bindur se Laporta do të njoftonte shkarkimin e trajnerit Koeman, por ai ka lënë të hapur çdo portë: “Me Ronaldin kam qenë shumë i qartë, por përpiqemi të kuptojmë çfarë duam për sezonin e ri. Profili i tij na kënaq, por po vlerësojmë gjithçka në 360 gradë. Nuk e përjashtoj mundësinë e qëndrimit të tij, por do të shohim, sepse jam këtu vetëm prej dy muajsh e gjysmë dhe duhet të thellohemi për çështjen e tij”.
Më tej, për fushatën e blerjeve, presidenti Laporta ka thënë: “Nuk mund të mendohet që pas një sezoni të tillë të mos ndodhë asgjë. Javën e ardhshme do të njoftojmë zyrtarisht përforcimet e reja”. Me katalanasit pritet të bashkohen holandezët Depai dhe Uijnaldum.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje