.png)
Ish-nënkryetari i PD-së, Astrit Patozi sheh pak hapësirë në PD për lëvizje të re politike.
I pyetur nga Gazetasi.al mbi iniciativën e Fatbardh Kadillit, Patozi, për të shkuar deri tek përgjigja, shtjellon fillimisht situatën në parti.
“Në PD janë dy grupime që po zihen. Njëra palë thotë që kjo parti i takon Sali Berishës, kurse pala tjetër mendon që kjo parti i përket atij që ka vulën e kryetarit. Për kaq po zihen.
Ndërkohë njerëzit që kanë një ide tjetër nuk është domosdoshmërisht që këtë ide ta ngjizin patjetër në PD për sa kohë që PD-ja nuk jep asnjë shenjë reflektimi.
Nuk do ide të reja PD-ja, nuk do model të ri. Gjithë problemi është që Sali Berisha dhe Lulzim Basha i thonë shqiptarëve që ka dy rrugë; ose do zgjidhni Edi Ramën ose do na zgjidhni ne…”
Sipas tij, një model të ri politik mund ta zhvillosh edhe jashtë PD-së.
“Opozita është një gjë shumë më e madhe se PD-ja.
Unë uroj që të kenë shumë sukses, por nuk ka për të pasur sepse të dyja kampet po zihen se kush e ka kryetarin më të mirë dhe çdo gjë tjetër që lind aty shikohet me skepticizëm sepse nuk mjafton vetëm ideja, por edhe aktivizmi politik. Duhet të përfaqësosh një fluks të caktuar…”, thotë Patozi.
Mbi të gjitha, sipas tij, rëndësi duhet të ketë qëllimi; A ka shanse që kjo lëvizje të fitojë apo jo?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje