.png)
Lëvizja “Për Universitetin” ka reaguar lidhur me mënyrën se si po vijon protesta ditët e fundit. Pavarësisht se kauza është e përbashkët, sot në protestë u vu re një përçarje mes studentëve pasi protestuan në dy destinacione të ndryshme. Një pjesë e studentëve që sot ndodheshin para godinës së Ministrisë kanë qenë kundër zhvendosjes te Kryeministria, pasi dyshonin se atje janë militantët e partisë. Në një postim të tyre lëvizja “Për Universitetin” shprehen se janë të vendosur në kauzën e tyre dhe u bëjnë thirrje studentëve që të bashkohen me ta për të mos rënë pre e përdorimeve partiake.
“Fakti që të tria bandat partiake sulmojnë Lëvizjen Për Universitetin, njëkohësisht dhe me metodat më të ndyra, nuk është aspak rastësi!
Të gjithë e dinë se kush i ka sjellë studentët në këtë ditë të zezë dhe se kush është përpjekur prej vitesh për të kundërshtuar!
Lëvizja Për Universitetin është e vetmja shpresë! Na e kanë frikën të tria bandat, sepse jemi të drejtë dhe të vendosur!
Nesër e në vazhdim është me rëndësi që të protestojmë, kudo qoftë, derisa të plotësohen të gjitha kërkesat! Ama, për të mos rënë pre e përdorimit prej bandave partiake, mbështetja dhe bashkimi me Lëvizjen Për Universitetin është mënyra më e sigurt! Ne duhet të synojmë të zhdukim gjithë këtë maskarallëk që na ka marrë frymën, jo të ndërrojmë maskarenjtë në karriget e pushtetit!
Nesër e kurdoherë,
Për Universitetin, Për Shoqërinë!”, deklarojnë ata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje