Libia drejt kaosit, protestuesit kundër qeverisë mësyjnë Parlamentin në Tobruk

Gazeta Si – Tension i lartë në Libi. Një grup demonstruesish sulmuan ndërtesën e Parlamentit në Tobruk për të protestuar kundër përkeqësimit të kushteve të jetesës dhe ngërçit politik.

Disa stacione televizive pretenduan se protestuesit hynë në ndërtesë dhe kryen plaçkitje.

Imazhet treguan kolona të mëdha tymi të zi që ngriheshin nga perimetri i ndërtesës, pasi demonstruesit e rinj dogjën goma.

Sipas raportimeve të tjera, qindra dokumente janë djegur brenda ndërtesës së Parlamentit.

Të premten pasdite u organizuan demonstrata në qytetet Misrata dhe Tobruk, që përkon me një marshim të ngjashëm në Tripoli, për të denoncuar përkeqësimin e kushteve të jetesës, për të protestuar kundër forcave politike që paralizojnë vendin. Demonstruesit kërkuan zgjedhje të reja politike sa më shpejt të jetë e mundur, sipas Wasat-it.

Libya…

Darbeci General Halife Hafter'in kontrolündeki Tobruk'ta halk ayaklandı.

İsyan eden halk, meclis binasını ateşe verdi. pic.twitter.com/KNQpCgIegE

— CorrespondentTR (@TrCorrespondent) July 1, 2022

Protestuesit në Misrata dhe Tobruk denoncuan veçanërisht krizën e ndërprerjeve të energjisë, e cila është përkeqësuar kohët e fundit pa qenë mundësia për një zgjidhje të vërtetë.

Në Tobruk, dhjetëra të rinj u mblodhën para ndërtesës së Dhomës së Përfaqësuesve në pjesën lindore të qytetit dhe u vunë flakën gomave.

Më herët, të shtëna me armë u dëgjuan nga forcat libiane të sigurisë për të larguar demonstruesit që u mblodhën para selisë së kryeministrit në kryeqytetin e Libisë, Tripoli.

Demonstruesit, disa dhjetëra, bllokuan makinat përpara selisë së kreut të qeverisë, Abdulhamid Dabaiba, duke u ankuar për kushtet e këqija ekonomike dhe duke brohoritur slogane si “Libi! dhe “Jo, jo batalioneve!”.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---