.png)
Roma, skuadra e vetme italiane e mbetur në Kupat e Europës, ishte pa fat në shortin e çerekfinaleve të Ligës së Europës. Skuadra e Marash Kumbullës, mbrojtësit të Kombëtares, do të përballet me Ajaksin, një kundërshtar më shumë përvojë në kompeticionet europiane. Nëse e kalon turin, në gjysmëfinale me shumë mundësi Roma do të sfidojë Mançester Junajtid.
“Djajtë e kuq”, që eliminuan Milanin, në çerekfinale ndeshen me spanjollët e Granadës, që rrugëtimin e tyre historik në Europë e nisën nga Durrësi. Anglezët janë favoritë absolutë për kualifikimin. Me fat në short ishte edhe Arsenali, që luan ndaj Sllavias së Pragës, një prej surprizave të fazës së 1/8-ve në Ligën e Europës.
Dinamo e Zagrebit, pas eliminimit të bujshëm të Totenhemit, do të sfidojë Vilarrealin në çerekfinale. Ndryshe nga Championsi, Liga e Europës e ka të përcaktuar skemën deri në finale. Ndeshjet e para të fazës çerekfinale luhen më 8 prill, kurse ato të kthimit një javë më pas.
Katër ndeshjet e çerekfinaleve
Granada-Mançester J
Arsenal-Sllavia Pragë
Ajaks-Roma
Dinamo Zagbreb-Vilarreal
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje