.png)
Është hedhur sot shorti për fazën e “Play-Off”-it në Ligën e Konferencës, ku marrin pjesë edhe Teuta e Laçi. Në turin e tretë të këtij kompeticioni, Teuta ndeshet me irlandezët e Shamrok Rovers, kurse Laçi me ekipin e njohur belg të Anderlehtit. Durrsakët janë favorizuar shumë nga shorti dhe kanë një shans shumë të mirë të shkojnë në fazën në grupe.
Nëse Teuta kualifikohet ndaj Shamrokut dhe shanset i ka të mëdha, në turin tjetër, atë të “Play-Off”-it, përballet me humbësin e çiftit Omonia-Flora Talin, që vjen nga turi i tretë i Ligës së Europës. Me shumë mundësi, kampionët në fuqi të Superiores do të ndeshen me estonezët e Flora Talin, një kundërshtar relativisht i lehtë.
Laçi edhe këtë herë ka qenë pa fat në short, edhe pse kurbinasit kanë shanse minimale të kalojnë Anderlehtin. Nëse ndodh mrekullia dhe kualifikohen, atëherë do të ndeshen me holandezët e Viteshes. Në Ligën e Konferencës merr pjesë ende edhe Prishtina, që nëse kalon me sukses norvegjezët e Bodo Glimt, do të përballet me ekipin humbës të çiftit Mura-Zalgiris.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje