.png)
Katër gola në “Anfield”-in bosh për t’iu afruar edhe më shumë titullit kampion në Premier Ligë. Liverpuli ka mundur 4-0 Kristal Palasin dhe sot në mbrëmje do të jetë tifozi numër 1 i Çelsit, sepse nëse londinezët nuk humbin me Mançester Sitin, atëherë ekipi i Jurgen Klop shpallet kampion i Anglisë për hërë të parë që nga viti 1990.
Për Mançester Sitin, pa sulmuesin Serxho Aguero (i operuar në gjurin e majtë pas dëmtimit të pësuar ndaj Bërnlit), nuk do të jetë e lehtë për të marrë pikët maksimale në “Stamford Bridge”. Çelsi i trajnerit Frenk Lampard duhet të ruajë fort vendin e katërt për të shkuar në Ligën e Kampionëve, pasi tashmë Mançester Junajtid është një kërcënim real.
Ndeshja me Kristal Palasin ishte një formalitet për Liverpulin. Pas barazimit pa gola në derbin me Evertonin, skuadra e trajnerit Klop hyri më e vendosur në fushë dhe shfaqi një formë mjaft të mirë. Pas 23 minutash ishte në avantazh me golin e shënuar nga një ekzekutim perfekt i goditjes së dënimit nga Aleksandër-Arnold. Kristal Palasi nuk bëri fare rezistencë. Goli i dytë erdhi pak para pushimit të ndeshjes nga një e majtë e Salah, i shërbyer në zonë nga Fabinjo, i cili trefishoi në pjesën e dytë me një gjuajtje të fortë nga jashtë zonës. Një kundërsulm i shpejtë i Salah dhe Mane solli edhe golin e katërt nga ana e senegalezit. Liverpuli është bërë gati për festën e titullit që sot.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje