Lojtarët rusë formojnë “Z” simbol të pushtimit të Ukrainës. Reagimet: Pezullim përjetë!

Gazeta Si – Propaganda futet sërish në sport në Rusi. Lojtarët zbritën në fushë për të luajtur një ndeshje radhe të kampionatit kombëtar të ‘bandy’-t (një version i hokejit në akull që luhet më shumë në Europën veriore, në fushë më të madhe, me 11 lojtarë dhe një top në vend të diskut), por vendosën që me rreshtimin e tyre të formonin shkonjën “Z”, simbolin e tankeve ruse që po pushtojnë Ukrainën.

Shkonja “Z” lidhet me moton “Za pobedu” (për fitoren). Skuadrat protagoniste të këtij episodi janë Ska Neftianik, Dinamo e Moskës, Vodnik dhe Kuzbas, ku dy të parat kanë lidhje prej vitesh me regjimet politike, që kanë qeverisur ish-Bashkimin Sovjetik dhe tani Rusinë. Një episod që vjen një javë pas atij të gjimnastit Ivan Kuliak, i cili gjatë marrjes së medaljes në Kupën e Botës në Doha, u ngjit në pod me “Z”-në në gjoks.

#SlavaUkraini #UkraineWillResist #RussianWarCrimes #NatoNoFlyZone #BoycottRussia
Ban these players for life!, russian hockey players show support for putins war in Ukraine. All players from the four remaining teams Dynamo Moskva, SKA Neftyanik, Vodnik and Kuzbass participated. pic.twitter.com/dfZGRExwEY

— Jonas Hillerström (@LJHillerstrom) March 12, 2022

E përditshmja suedeze “Aftonbladet” ka specifikuar se jo të gjithë lojtarët zbritën në fushë për atë gjest. Simon Janson, lojtar i Kuzbas, u distancua dhe në dhomat e zhveshjes tha se ishte i shokuar nga ajo që pa. Në fund të marsit, në Syktyvkar të Rusisë duhej të zhvilloheshin edhe Botërorët e bandy-t, për femra dhe meshkuj, por që u bojkotuan nga Suedia, Finlanda dhe sigurisht Ukraina.

Reagimet nga bota e sportit dhe jo vetëm për gjestin e fundit nga ana e sportistëve rusë, kanë qenë të shumta dhe të ashpra, duke kërkuar skualifikimin përjetë për të gjithë ata që morën pjesë në atë veprim.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---