.png)
Lëvizja Socialiste për Integrim ka kallëzuar për shpërdorim detyre në SPAK ministrin e Mbrojtjes dhe kandidatin e Partisë Socialiste për deputet në Qarkun e Korçës, Niko Peleshi.
Peleshi, si drejtues politik i PS-së në Korçë, Petrika Tollkuçi, drejtor i Fondit Rajonal të Sigurimit të Detyrueshëm Shëndetësor, Artur Qiramixhi, drejtor i OSHEE në Korçë dhe Ilir Bajlozi, drejtor i Sigurimeve Shoqërore, po në Korçë akuzohen për shpërdorim detyre dhe përdorim të funksionit publik për veprimtari politike, ose zgjedhore.
Padia është dorëzuar nga kryesuesi i LSI-së në Qarkun e Korçës, Endrit Braimllari. Braimllari thotë se me ndryshimet e fundit të Kodit Penal, edhe me mbështetjen e ndërkombëtarëve, personave me funksione publike u ndalohet kryerja e fushatës.
Sipas Braimllarit, personat e paditur e kanë braktisur tërësisht detyrën e tyre dhe janë angazhuar në fushatën për mbledhjen e votave për Partinë Socialiste në Qarkun e Korçës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje