.png)
Për rezultatet e hetimit të dosjes 184 që lidhet me zgjedhjet e kaluara në Dibër ka reaguar edhe LSI-së përmes nënkryetarit, Petrit Vasili. Dhe jo vetëm. LSI, duke lëshuar kritika të forta ndaj SPAK, shigjeton edhe ambasadorët që kanë mbrojtur punën e kësaj Prokurorie.
“Katër vjet e më shumë pas miratimit të Reformës në Drejtësi dhe ngritjes së institucioneve të reja është zhgënjim i thellë që e ashtuquajtura Drejtësi e Re është akoma kaq larg edhe Drejtësisë së Vjetër.
SPAK-u është sot kaq mbrapa dhe zhgënjyes dhe s’ka asnjë krahasim me Prokurorinë e dikurshme të Krimeve të Rënda.
Prokuroria e Re është shndërruar në një mbyllëse e palodhur çështjesh dhe justifikuese e qeverisëse më e zellshme se qeveria vetë.
Prokuroria e re është mjaft larg edhe Prokurorisë së dikurshme”, shkruan Vasili.
Më tej ai, nënvizon: “Dosja 184 si dhe 339 u bënë shkak, që në kushtet për hapjen e negociatave u shtua hetimi dhe dënimi i dosjeve të krimit elektoral.
Ky shqetësim madhor mbarëpopullor dhe ndërkombëtar nuk u dëgjua vetëm nga veshët e Prokurorisë dhe SPAK-ut.
Cdo duartrokitje në shqip dhe anglisht për këtë drejtësi të re është akt armiqësor dhe kundërvënie ndaj të gjithë popullit shqiptar.
Zhgënjimin ndaj Drejtësisë së Re nuk e mbulon dot asnjë deklaratë propagandistike Ambasadorësh, të cilët për të justifikuar miliona euro të hedhura dëm, duan me një insistim qesharak të shesin kallpin për flori…”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje