.png)
Ambasadorja e SHBA në Tiranë, Yuri Kim u takua këtë të mërkurë me Kryeministrin Edi Rama, para se ky i fundit të vizitojë Uashingtonin, ku pritet edhe një takim me Sekretarin e Shtetit, Antony Blinken.
Dy kanë qenë temat e bisedës në këtë takim, sipas deklaratës së Ambasadës Amerikane, lufta kundër korrupsionit dhe situata në Ukrainë dhe kontributi që mund të japë Shqipëria si anëtare e Këshillit të Sigurimit në OKB dhe e NATO-s.
Për temën e parë, Kim i mëshoi përgjegjësisë më të madhe që ka Qeveria në krahasim me aktorët e tjerë politikë e civilë.
“Ambasadorja Kim nënvizoi se lufta kundër korrupsionit është prioritet kryesor për Shtetet e Bashkuara, duke vërejtur se barra e përgjegjësisë është natyrshëm më e madhe mbi ata që qeverisin. Ata biseduan gjithashtu mbi rëndësinë e forcimit të institucioneve demokratike, përparimin historik në forcimin e marrëdhënies sonë në mbrojtje dhe hapat e mëtejshëm për të rritur tregtinë dhe investimet midis SHBA-së dhe Shqipërisë”, thuhet në deklaratën e Ambasadës së SHBA.
Për Ukrainën, njoftimi thotë se Ambasadorja Kim përshëndeti “mbështetjen e fortë dhe parimore të Shqipërisë për Ukrainën përballë agresionit rus, qoftë si aleate e NATO-s ashtu edhe në Këshillin e Sigurimit të OKB-së, ku SHBA-të janë krenare që do të punojnë me Shqipërinë si “bashkë-penëmbajtëse” për Këshillin në çështjet e Ukrainës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje